Whom the gods would destroy, they first make mad~

La Cuisine De Veronica
加為朋友

Hunger is the best seasoning~ ♥

Whom the gods would destroy, they first make mad~

Whom the gods would destroy, they first make mad~

Whom the gods would destroy, they first make mad~

點煮網贊助

Whom the gods would destroy, they first make mad~

2011-03-19 |

人家國家地震海嘯,唸極唔明點解人家未亂,香港陣腳會先亂?

癲完一輪搶鹽搶奶粉搶尿片都唔夠,而家輪到特區政府被插無危機意識,辦事不力,不理香港人死活!!?!?!

雖然我唔喺香港生活,不過我係一個100%香港人~ 今次日本大地震,睇到好多香港人瘋狂自私既行為,我除咗覺得丟架,仲好失望......

一向都對香港某傳媒印象好差,報導新聞手法嘩眾取寵,唯恐天下不亂!

剛剛我睇完依段所謂報導,真係覺得好無奈......

報導指美國呼籲國民遠離核災區; 中國亦安排撤僑......

(P.S. 中國安排撤僑既包機,僑胞係要自付機票費用既! 而且有搭上包機既僑胞覺得機票太貴非常不滿!!)

特區政府保安局前日3月17日已作出呼籲身在東京既香港人應考慮離開東京或轉移到日本南部地區,只係無向東京發黑色旅遊警示,我真係唔明果咋議員咁都可以插政府唔做野?

咁既時勢香港人係咪應該要自律呀? 政府呼籲你離開東京,咁就速速離開啦!!

 

尋日3月18日,我親眼睇到NHK World 每次新聞報導,都播出一段由一個香港女人主持既短片,短片中見到幾個我自己曾經到過2次既東京旅遊點一切如常,依個香港女人強調東京好安全,輻射水平正常,社區作息如常,而且仲呼籲各國人士無需要停止到東京旅遊~

特區政府呼籲中都有強調東京輻射水平維持正常,是否有需要發出黑色旅遊警示,就要視乎科學事實既根據;

喂~ 咁既時勢就算政府唔發黑色旅遊警示,香港人係咪應該要以理智去衝量自己是否真係有急切需要去東京呀??

雖然日本自我宣傳東京一切正常,但好老實 - 就算而家有免費頭等請我去東京,我都一定唔會去! 若我有親朋戚友身在東京,我一樣會勸佢地快快離開!!

 

今日睇到另一段新聞 - 一對美國夫婦好想親身到日本搵佢地失去聯絡女兒既下落,但依對美國夫婦對記者講: 若我地依個時候去日本,怕核危機惡化時會增加政府付擔!

香港人會唔會好似依對美國夫婦咁,懂得理智去衡量情況輕重,懂得為自己行為負責任?

若真係有香港人硬係選擇咁既情況下仍然要去東京,大吉利是講句 - 如果東京遲吓真係出事,到時係咪唸住入哂特區政府數呢? 怪政府唔發黑色旅遊警示??

一個黑色旅遊警示可以保障到香港市民幾多? 就算有警示都好,起唔起行都係市民私人決定,只係旅遊保險無效,有黑色警示唔代表唔比去東京果喎!

早前香港夠向泰國發咗黑色旅遊警示啦,一樣有勇敢既香港人係都要去泰國旅行......

 

保安局都作出咗呼籲,咁都叫做"唔做野"?

既然呼籲得身在東京既香港人離開,當然唔會主張香港人而家去東京啦! 一個黑色旅遊警示真係咁重要嗎??

黎副局長呼籲身在東京既香港人要考慮自行離開 - 以我理解係萬一東京情況變壞,到時政府要安排剩餘無走到既香港人離開,情況不致會太混亂......

我覺得咁樣好合理~ 要求政府做野,咁香港人自己都要合作做返d野架!!

咁都叫做"不理香港人死活"?

係咪下下郁d就要政府第一時間包機免費接送,咁先叫做有做野 + 理香港人死活?

議員們是否太小題大造呀??

阿謝偉俊實在太離奇 - 舊年菲律賓人質事件,菲政府草菅人命保障唔到遊客安全,當時特區政府向菲律賓發黑色旅遊警示,謝議員當時就反對政府咁做喎...真係吹脹!

班議員下下事無大小遠近都攝到位去鬧政府,係又鬧唔係又鬧;

加埋d不負責任既垃圾傳媒,不盡不實誇張煽情斷章取義既報導...有乜辦法唔搞到香港人人心惶惶?

 

垃圾傳媒全世界都有,而且仲有好多!

就今次日本大地震既新聞報導,我已盡量選擇去睇一d口碑比較好,報導比較中肯既電視台 (我唔會只睇一個台!),不過就連311地震究竟係幾多級,各台都會有些微出入! e.g. A台話係8.8; B台話係8.9......

我既意思係...日本分開4大個州,合共有47個縣,地方之大,我相信就連日本本土國民都未必可以掌握得到是次地震100%正確既資訊!

更何況同日本相距二千幾公里之外既香港?

關心世界大事就應該小心理智去選擇接收資訊既來源,避免果d標題懶係震撼嘩眾取寵既報導,亦要理性去分析接收到既資訊,唔好被不盡不實既報導牽住鼻子走!

從新聞知道香港 + 台灣竟然有人睇完日本地震報導後失常大叫大嚷搞到要送院......

上帝要你滅亡,必先令你瘋狂~

人家咁大鑊都未瘋狂,若我地先瘋狂......

咁邊個會先滅亡?

 

 

 

點煮網贊助

回應

loading
點煮網贊助

Whom the gods would destroy, they first make mad~