World War Z filming set - Brad Pitt in Glasgow!
2011-08-22 | ♥ 唔關廚房事既逸事

有留意國際娛樂版既網友可能都知道萬人迷Brad Pitt 正喺Glasgow 拍緊喪屍片World War Z!
(老公有幾位朋友早前走去應徵做臨記扮戲中喪屍被選中呢! 哈哈~~~~ )
Glasgow d人轉數都好快吓! 難得有Hollywood 巨星來拍戲......
咁都比佢地唸到,頂佢地唔順......
不過搵日我都去試吓依隻Brad Pitt 先!!
戲喺Glasgow 市中心拍攝,George Square 附近既Merchant City 好多條街都全面封哂來拍戲!
雖然戲喺Glasgow 市中心拍攝,不過其實故事地點係美國費城(Philadelphia)......
雖然唔係第一次有Hollywood 明星來Glasgow 拍戲(之前Morgan Freeman + 李連杰都來過Glasgow 拍"Unleashed"! ),我又唔係特別鍾意Brad Pitt,亦從來唔覺得佢靚仔or sexy whatever......
不過有Hollywood 巨星來拍戲始終唔係常有既事,所以我都八卦埋一份走去睇WWZ外景filming set~
,佢地影到Brad Pitt 既機會應該高好多!!
雖然影唔到Brad Pitt,不過街上泊咗好多戲中道具車比人任影......
話唔定將來戲上畫既時候會見到依架車,無執輸影咗先!! 哈哈~~~~
返到屋企特登上網搵咗費城國際號碼,再試吓打依個電話號碼,驗証一下係咪真係肉店!
結果當然係空號啦!! 哇哈哈~~~~~
>>>>>>>>>>>>>>>>>>>>>>>>>>>>>>>>>>>>>>
我一直有個疑問 - 一套平均戲粒幾兩粒鐘~ 點解香港人可以快起上來可以一星期拍好一套戲; Hollywood 製作就算拍幾個鏡頭都搞成幾個星期?
當然製作規模係一個蚊脾同牛脾既因素~ 不過我唸應該仲有其他原因......
今日我去Princess Square 行街,當我搭緊電梯上緊2樓Le Creuset 既時候,我發現身後尾隨我上2樓果5個人 - 全部身上都掛住WWZ 工作人員ID Badge!
到咗2樓時,佢地全部入哂去Vivienne Westwood......
我唸香港人拍戲,拍緊外景唔會有工作人員走去shopping!
回應

社交網