點煮網贊助
6年來第一次喺英國剪頭髮! (2011年7月12日)
2011-07-14 | ♥ V扮乜鬼靚靚
每隔幾年我鋪"短髮癮"就會蠢蠢欲動! 
舊年年尾返香港時一野將留咗6年既長髮剪短清爽咗半年(網誌)，而家係時候開始慢慢留返長頭髮嘞!! 
半年下來髮型開始走樣，要留返長都實在需要修剪一下......
我對洋人髮型師已經完全死心，而且最少有6年無喺英國剪過頭髮，一下子想修都唔知去邊度修? 
不過距離我返香港仲有幾個月時間， 我實在等唔到咁耐喎!! 
早2星期撞到一位舊男同學，男同學告知啱啱剪完頭髮......
雖然佢係男人，不過見佢個頭剪得都幾"香港樣" ，原來佢喺一間中國人開既salon 剪既! 操剪既女人來自馬來西亞既華僑~
睇過男同學個頭做樣版，加埋我好有冒險精神既勇氣， 我決定去依間salon 試一試!
Why Not? 大不了剪得唔好睇咪再剪返短囉! 反正激短既No.1 男人頭我都試過，最多留耐d頭髮先生返長啫~ 
TA-DA~~~~~~
依個前長後短既髮型，我唸應該可以讓我捱到返香港先再要修剪! 
尋晚張張相放咗上FB，朋友們大讚唔錯 + 好睇~ 
因為尋日我行出salon 門口前，負責吹頭果位哥仔將我個頭吹到超bob，十足十魯豫咁款......
好彩返到屋企用水濕吓再噴咗幾吓定型水後，"魯豫"消失咗，整到一個勉強似小S既髮型! 
(喺英國剪頭髮真係令我驚心動魄......
)
點煮網贊助
回應
點煮網贊助
社交網