飲飲食食買買買倫敦2009兩日遊 - London MCM Expo 2009 (24 Oct)
2009-10-26 | ♥ 孖T@London 2009
以前去倫敦最主要只為一個目的 - 就係買LV!
不過自從幾年前愛丁堡開咗LV 分店後，我 + 老公已經好少去倫敦，英國天氣又濕又凍，老公有假期都用來離開英國渡假啦~~~~~
所以近年我地去親倫敦，都係為咗睇展覽 + 食野~ 
e.g. 對上果次係07年10月去睇袖珍模型展覽會;
而今次去倫敦係為咗睇MCM Expo 2009 (Movie Comic Media 動漫展)! 
尋日10月24日, 星期六
朝早10點零鐘到達會場 - Excel Exhibition Centre~
搭火車途中 + 會場外都見到好多cosplay fans! 
依位仁兄真係好野 - 尋日倫敦天氣好好又好熱，佢笠住依件野，仲要真係好似隻狗咁行路......我唸一定好鬼辛苦......
入到會場裡面我即時大嗌救命!!!!!
排哂超長龍，好似排極都唔會完......
依個只係排隊買票既地方 ，展覽會喺會場另一邊~ 不停有人入場加入長龍，龍尾不斷增長!
足足排咗2個鐘頭先買到票入場!!!!!
一早起身未食早餐就即去會場排隊，排完隊已經餓鬼屎咗咁滯~~
買完票入去動漫展行咗一陣已經頂唔順，返出去開餐先......
Excel Exhibition Centre 裡面既食物好鬼貴!!!!
哇~ 老公依個雙層牛肉漢堡包超好味~~~~~~
最衰蘇格蘭無依間Fine Burger 啦!!!
食飽飽後就返入去動漫展慢慢行......
是次展覽展品除咗有美式漫畫，仲有日本漫畫 + 各種電腦遊戲!
現場cosplay 迷扮演既都係出名漫畫or 電腦遊戲主角~ 好多人都好落本，扮得好神似......
行行吓遇到我最鍾意既恐怖video game "Silent Hill 2"裡面既邪惡怪物 - Pyramid Head~ 即時同佢影張"行刑照"先!
睇吓扮得幾鬼似!!!
Death Note 裡面既死神Ryuk~ (哈哈~~~ 佢渣住個蘋果!!! )
Buzz Lightyear 排隊買炒麵! 
Batman & Joker~
不過有d都幾騎呢......
比卡超......
連麥當勞叔叔都有人扮.......依個仲係女人來呢!!!
會場內有攤位讓各位漫畫迷畫自己既作品，完成後會張貼出來比大家欣賞~
會場內人頭湧湧.......幾粒鐘後我地滿足地帶住戰利品離開! 
喺場內快人一步率先買到下個月先正式喺英國推出既"呪怨" Wii game!
社交網