二人世界的三餸一湯 (附食譜)

La Cuisine De Veronica
加為朋友

Hunger is the best seasoning~ ♥

二人世界的三餸一湯 (附食譜)

二人世界的三餸一湯 (附食譜)

二人世界的三餸一湯 (附食譜)

點煮網贊助

二人世界的三餸一湯 (附食譜)

2012-08-21 |


8月15日: 紅蘿蔔粟米日月魚湯; 椒鹽蒜香骨; 蠔汁鮑片扒白露筍 & 清炒菠菜苗

Glasgow 熱辣辣天氣持續.......
不過終於忍唔住手痕煮三餸一湯嘞!

V婆婆知道我鍾意飲日月魚湯,
我年年返香港都買定一大包過我......
早前幫雪櫃大掃除搵到好鬼多包日月魚!!
要清清貨咯~~~
啖湯甜到連鹽都唔洗落呢!



早幾日喺FB見到朋友整蒜香骨整得好鬼靚,
搞到我又好想食......


於是我又整!
不過果日Asda 無排骨賣,所以我買咗無骨肉排(梅頭肉),
無骨啖啖肉,加上咁香口惹味,開正Mr.T 果瓣啦!


是日同V媽媽傾完電話,突然好掛住佢既手勢......

於是開罐鮑魚來切片......

煮咗依個V媽媽拿手菜 - 蠔汁
鮑片扒白露筍!


依餐味味我 + Mr.T 都好鍾意食!
不過天氣咁鬼熱,
我竟然蠢到走去煲老火湯 + 炸肉
雙管齊下
熱到我差d中暑咁滯.......真係
搵自己笨!!

紅蘿蔔粟米日月魚湯食譜click here~

椒鹽蒜香骨食譜click here~


蠔汁鮑片扒白露筍食譜click here~



8月16日: 紅蘿蔔粟米日月魚湯; 雙椒紫蘿雞柳 & 清蒸水蛋

是晚仍然熱到頂唔順......回歸兩餸一湯~
from 之前一晚仲有湯剩,至少唔洗煲湯先啦!
另外兩味整d快手搞掂既菜,
務求將留喺廚房煮餸既時間盡量縮短!!


天氣熱到我連口味都轉變埋!
平時唔好甜既我極少食生果,
不過最近好鍾意食菠蘿!!

我唸係菠蘿當造時間,
超市水果部除咗菠蘿......其他都係菠蘿!
Asda 2 for £3去皮去芯菠蘿,勁甜勁多汁!!


買咗2個返去.......


其中一個用咗1/3來炒雞柳,酸酸甜甜幾好送飯~
剩低2/3個比我一路切一路食鬼咗......


至於另一個菠蘿......
第二日初一食花齋當lunch 一口氣成個食哂!
不過食完後條脷乸到流血啊.......


上星期買既超級手動打蛋器開光用來整水蛋,
幾下手勢就將蛋液 + 雞湯打勻,果然非常好用!

不過今次碟水蛋變咗個蜂巢蛋"高"(升到好鬼高!! )
好彩老公無咋型,仲話好好味,成碟同我清鬼哂~
我蒸過無數次水蛋,次次都係滑滑如豆腐花,
點解今次會咁既呢? 我一路食飯一路唸點解,
久久未能釋懷 + 都係唸唔到答案.......
唔通係個超級打蛋器??

謎底終於喺我飯後解開......
飯後我將用剩既雞湯包好準備入雪櫃,
點解包雞湯剩返咁多既?
我一向蒸水蛋,雞蛋 + 雞湯既份量比例係1:1,
我突然醒起今次足足落少咗100ml 雞湯!
熱到懵咗計錯數.......爭d怪錯個打蛋器呢~

雙椒紫蘿雞柳食譜click here~

清蒸水蛋(參考食譜)click here~





Photobucket
點煮網贊助

回應

loading
點煮網贊助

二人世界的三餸一湯 (附食譜)