大功告成! (2011年9月7日)
2011-09-08 | ♥ V女廚房逸事
從未試過連續咁多日開住焗爐 - 水水都係整月餅!
忙於整月餅,搞到連飯都無時間煮......
整咗咁多日月餅,終於大功告成嘞!!
無計住整咗幾多次 + 整咗幾多......
不過5、6次應該無走雞!
點解分開咁多次來整,唔一次過整哂呢?
雖然原本plan 好計好哂整幾多來送比親朋戚友......
不過當我將製成品既相放咗上FB後,朋友紛紛傳來sms 話想要我整既月餅!
連遠至香港朋友都想要!!
再加上我 + Mr.T 都為食......一路整一路比我同Mr.T 食咗好多隻~
所以整既過程當中,製成品數量一直報銷......
話咁快下星期一就係中秋嘞,所以近幾日我不停趕工!
搓搓搓......包包包......印印印......焗焗焗......pack pack pack......送送送......
不停重覆以上動作,十足十一部人肉月餅機一樣!!
雖然我覺得整月餅好好玩,不過整咗咁多水,機械性地重覆同一組動作......
我已經開始覺得唔好玩咯!
希望收到月餅既妳、你 + 你地會鍾意啦!
中秋當日十五我要食齋嘛!
不過食齋同時我都想應應節啊~
今年玩整月餅玩到爆哂燈,係時間收爐嘞!
下年再玩過~~~~~~


回應

社交網