孖T跨年回"香"省親2010 - 香港地踎好味道 (特長!!!)

La Cuisine De Veronica
加為朋友

Hunger is the best seasoning~ ♥

孖T跨年回"香"省親2010 - 香港地踎好味道 (特長!!!)

孖T跨年回"香"省親2010 - 香港地踎好味道 (特長!!!)

孖T跨年回"香"省親2010 - 香港地踎好味道 (特長!!!)

點煮網贊助

孖T跨年回"香"省親2010 - 香港地踎好味道 (特長!!!)

2011-03-19 |

香港有名叫做"美食天堂"!

 

唔洗去高級食店,周街都有好野食~

一舊水都唔洗已經可以食到飽飽又過癮!

所以每次我同Mr.T 返親香港,無論日夜都會化身掃街精去食"地踎餐"!!

 

 自從Mr.T 受我"薰陶"愛上辣之後,見親"勁辣"2個字都話要試!

(不過圖中既所謂勁辣魚蛋,係完全唔辣既!! )

 

 牛雜係我掃街既指定動作! 而且我會主攻牛肺 + 牛膀~

(今次返香港我仍然同牛鞭無緣......

)

 

>>>>>>>>>>>>>>>>>>>>>>>>>>>>>>>>>>>>>>>>>>>>

今次返香港有幸試咗弼街果檔旦王重慶酸辣粉!

 依碗又酸又辣,食完猛標咗成身汗,但就令我一試上哂癮!!

(我而家對住張相打blog 都流哂口水~~~~

)

見網上好多人都話弼街依檔重慶酸辣粉係全港最正既酸辣粉~ 雖然我只試過依一檔,未試過其他,但我強烈推介!! 

 

>>>>>>>>>>>>>>>>>>>>>>>>>>>>>>>>>>>>>>>>>>>>

 無論咩季節都好,返親香港我都要食蛇羹!

不過我覺得蛇羹一定要去果d蛇王乜蛇王物既地方先至好食 ,之前喺利苑食過一碗又貴又無乜蛇,大大個

!!

 

>>>>>>>>>>>>>>>>>>>>>>>>>>>>>>>>>>>>>>>>>>>>

豬潤燒賣 + 豬肚燒賣依2個頻臨失傳既點心喺香港已經幾乎絕哂跡......

不過喺旺角街市裡面有一間叫做"金多寶"既地踎酒家仍然可以食得到!

(唔係花園街室內街市喎,係近朗豪坊果邊既室外街市! 不過唔好問我街名,因為我係街名白痴來......)

 豬潤燒賣

 豬肚燒賣

2個我都勁鍾意! 豬潤 + 豬肚下面果舊燒賣充滿肥肉入口即溶好鬼香口~ 不過膽固醇一定好鬼驚人!!

 

 我一向唔嗜正常既燒賣,不過我覺依度既燒賣好正! (可能因為夠肥豬肉!! )

 

 連排骨都好滑好好食!

 

 原盅蒸飯: 鳳爪排骨飯 + 北菇滑雞飯~

足料兼原汁原味,而且飯一粒粒唔會一pat,我一個人可以食2盅架!!

 

 春卷一碟有3大條,不過雖然春卷皮薄得來又脆卜卜,但我覺得依個唔好食......

因為我唔鍾意食有肉既春卷! 春卷我鍾意食全齋既!!

 

 依餐地踎點心一舊水都唔洗! 而且好味且食到飽飽~ (6000蚊可以食到60餐仲有找!! )

不過奉勸各位有興趣既網友一句......

除非你係男人啦~ 否則最好切勿自己一丁友入去食野!

 因為依間地踎店幾乎只有單身大叔去幫襯......

又除非妳好似我 + V媽媽2個咁夠薑啦! 因為只要妳係女性,就要有心理準備一入門口會被大叔們眼甘甘行注目禮......

 

>>>>>>>>>>>>>>>>>>>>>>>>>>>>>>>>>>>>>>>>>>>>

講起香港既地踎店,又點少得蔡瀾都去幫襯既旺角富記呢?

我由細食到大,不過每次返香港都一定會去幫襯!

 指定動作1: Mr.T 都話正既炒飯~

 

 指定動作2: 生滾魚雲湯~ (魚雲好快賣鬼哂! 無魚雲既話,魚片都唔錯架~)

 

 指定動作3: 白切雞~ (有人要食肥叉先來個雙拼......)

 

 指定動作4: 依碟叫做"心椗"! (即係鹵水煮過既豬心瓣~ 富記大叔們送燒酒必食!)

原本指定動作4係白灼鴨腸,不過好可惜富記已經唔再賣鴨腸!

 (已經賣咗幾十年架嘞......)

 

 是日我癮起要食燒鵝瀨!

 

>>>>>>>>>>>>>>>>>>>>>>>>>>>>>>>>>>>>>>>>>>>>

我好鍾意食潮州打冷野!

不過過去好幾次返香港食過既潮州打冷都非常把鬼!!

我曾經以為香港已經無哂好食既打冷野......

不過今次返香港老公一班喺香港住既cousins 請我地食咗一餐好好味既潮州打冷!

 就係依間位於沙田河畔既新旺記打冷小菜!

 一行8人點咗13碟餸......

 潮式大眼雞魚 (叫咗2條!)

 

 鹵水鵝片

 

 鹵水墨魚拼豬大腸

 

 蠔仔肉碎粥(依個叫咗2鍋!!)

 

 薑蔥炒蟹

 

 豉椒炒蜆

 

 菜心炒魚鬆

 

 魚肉釀虎皮椒

 

 唔知咩雞 (食到七七八八先記得影......)

 

 金菇扒豆苗

 

 椒鹽骨 (大家應該估到依個係豬扒怪Mr.T 點既! )

 

我一直都好想同老公去食大排檔好有鑊氣果種晚飯小菜,不過除咗我唔多想去既廟街之外,我唔知香港仲有邊度有大排檔......

我發現沙田河畔晚飯時間,好多食肆都會擺枱出門口! 雖然依餐唔係正式既大排檔,不過好有大排檔既風味啊~

 

>>>>>>>>>>>>>>>>>>>>>>>>>>>>>>>>>>>>>>>>>>>>

雖然未有緣食到大排檔晚飯小菜,不過大排檔魚蛋粉就有食嘞!

無錯......又係長洲偉記呀!!

 例牌必食淨魚蛋走片 + 極品炸魚皮~

 

 偉記既牛腩瀨都好正架!

 

 我 + V媽媽都唔嗜甜,依份法蘭西多士緊係Mr.T 架啦!

 

>>>>>>>>>>>>>>>>>>>>>>>>>>>>>>>>>>>>>>>>>>>>

講到又平又好食,一定要提吓海景粥店......

 豬紅牛肉粥、齋腸(要淋好多豉油 + 麻醬!!),再加個牛脷酥......

 我獨沽一味食來食去都係豬紅牛肉粥~ 今次配碟炒麵 (要淋好多辣醬!!)

不過是日牛脷酥賣鬼哂......

 

打完依篇野好鬼肚餓呢!!!!

 

 

 

點煮網贊助

回應

loading
點煮網贊助

孖T跨年回"香"省親2010 - 香港地踎好味道 (特長!!!)