隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

Dimcook 點煮網誌!
加為朋友

  • HOFEX +中國烘培展~ 大開眼界之旅!

    2013-05-17 | 點煮最新消息及活動

    上星期我哋「點煮網」去咗兩年一度嘅HOFEX (國際食品及飲料、酒店、餐廳及餐飲設備、供應及服務展覽會),會場唔單止有好多食材同廚具展出,仲有世界廚師錦標賽添!
    當日舉行嘅係世界廚師錦標賽亞洲區賽事,參賽者需要喺三個鐘內,以「比目魚、三文魚及小龍蝦」、「西冷牛扒、澱粉及蔬菜」同「朱古力、芒果及紅茶」三種組合分別完成四人分量的前菜、主菜及甜品,所以比賽嘅難度真係非常之高!勝出嘅參賽者將會代表亞洲到挪威與其他地區嘅優勝者一決高下。
    同場仲有世界烘培廚師錦標賽嘅朱古力裝飾比賽,望住咁靚嘅裝飾,真係好難相信係用朱古力造!
    睇下幾多廚師嚟取經~
    香港代表嘅作品~ 真係色香味俱全!
    台灣代表嘅朱古力裝飾~神乎奇技!
    除此之外,我哋仲專程去咗於廣州舉行嘅中國烘培展覽會,其實內地每年都有兩個紅配展覽會,分別響廣州同上海。以往通常都係參展或參觀嘅都係一啲大型公司機構或者餅 .... (更多)

  • 咖啡和朱古力向來魅力沒法擋,但一直以來這兩種佳餚都被視為不健康,甚至會令人上癮,直到近來某些研究才發現咖啡和朱古力對將康的好處。儘管如此,健康專家仍然不斷提醒大眾它們對健康有利也有害,並不是完全健康的食品。今次就讓我們剖析每個辦公室必備的飲品-咖啡。
    各位咖啡迷一定很想知道究竟這種香濃醇厚的飲品對健康有何好處。原來咖啡對預防多種疾病,部份研究比對習慣性飲用咖啡的人和不喝咖啡的人,發現前者患某幾種癌症的比率較低,患糖尿病、老年癡呆症和柏金遜症的風險也比較低。很驚訝咖啡能對抗多種疾病吧! 那為甚麼健康專家對喝咖啡的好處還是抱懷疑態度呢?
    可能你會聽過一些老人家說懷孕的婦人和小孩子不可以喝咖啡吧! 雖然他們可能不太清楚背後的科學原因,但他們的說法確有可信性。最近一個研究發現,孕婦只要服下一份咖啡因(即兩杯咖啡)便可能給胎兒的心臟發展帶來影響,更可能使寶寶的心臟功能終生受損。咖 .... (更多)

  • 今年好開心可以返香港同媽咪慶祝母親節呀! 本來我打算煮一道菜俾媽咪嘅, 但係同屋企人商量完之後, 我就自告奮勇為全家預備六道菜嘅一餐。呢個就係其中一道菜 -- 紅菜頭意大利飯拌羊奶芝士及核桃。
    紅菜頭意大利飯 (可以改用蔬菜清湯做成素菜)
    材料:
    核桃/ 松子 75克
    意大利米 250克
    羊奶芝士 125克
    雞湯 600毫升
    罐裝紅菜頭 .... (更多)

  • 得閒招呼一班朋友返屋企食下嘢,傾下偈真係幾開心~ 不過次次都薯片汽水真係好悶, 今次就介紹一個簡單又好味嘅小食俾你同朋友分享!
    雜菌酥皮卷
    預備時間: 30分鐘
    烹調時間: 10分鐘
    共40分鐘
    材料:
    蒜頭 (壓蓉)    兩粒
    巴馬芝士     1/2杯
    新鮮百里香    1束
    鹽、胡椒粉    適量
    酥皮       1包
    雜菌       1磅
    牛油 (已溶)    150克
    做法:
    1. 預熱焗爐華氏400度。
    2. 在平底鍋內煮溶牛油,加入蒜蓉和雜菌,炒拌至雜菌快熟透。
    3. 加入百里香和一半的芝士(另一半留下備用)。
    4. 將鍋中材料倒進碗中放至室溫。
    5. 餡料涼透後,取出酥皮,將餡料平均鋪在酥皮上。
    6. 將酥皮捲成圓條,然後切成1.5吋闊小件。 .... (更多)
  • 仲記得好耐之前去澳門第一次食木糠布丁,就係因為「木糠」兩個字令我猶豫係咪要食,真係好傻仔。返到香港仍然對呢個甜品念念不忘,但係當時無咩地方有得買,所以就學下自己整,原來好簡單,於是就差唔多個個禮拜日都整,正!
    材料: (約12人份)
    淡忌廉 500毫升
    煉奶 7 湯匙 (可按自己口味調教)
    雲尼拿香油 1茶匙
    瑪利餅 50塊
    做法:
    1) 將瑪利餅用麵粉桿或乾磨機壓碎至粉狀。
    麵粉桿: 將瑪利餅放進保鮮袋內,封口後,再放進另一個保鮮袋或膠袋內密封好。用麵粉桿桿碎瑪利餅。(建議分兩至三次做,會比較省力)
    2) 以低速打發淡忌廉約1分鐘,轉至中速再打發約2-3分鐘至半企身 (無需打至蛋糕忌廉般企身)。
    3) 加入煉奶和雲尼拿香油,輕輕以「切拌」的方式與忌廉攪勻。 .... (更多)
  • 炒滑蛋一向係我早餐至愛,不過出街食炒蛋,一係太油(咁多油梗係滑啦!),一係完全唔滑,所以我寧願要荷包蛋,返屋企自己整炒蛋。
    呢個食譜真係超簡單,零失敗率,一定要開心share!
    滑捋捋炒蛋
    材料:
    雞蛋 (中型) 2隻
    日式蛋黃醬(美乃滋) 1湯匙+1茶匙 (一般大型超市有售)
    做法:
    將雞蛋和一湯匙日式蛋黃醬略略打勻。
    開中火,放入一茶匙日式蛋黃醬進平底鑊。
    待鑊中的蛋黃醬完全溶化後,慢慢倒入蛋漿。
    當蛋漿邊緣開始凝固,用鑊鏟輕輕將凝固部分向內推,讓未熟的部分受熱,重複直至底部完全凝固。
    完成!
    小貼士:
    - 雞蛋同蛋黃醬唔使完全混和,蛋黃醬受熱後會溶入雞蛋裏面。
    - 落鑊後,唔好不斷攪動蛋漿,尤其係蛋漿邊緣仍未凝固前,否則好易變炒碎蛋,上碟後仲可能會出水。 .... (更多)