廣東甘竹灘辣醬與台式人氣辣椒油

Dimcook 點煮網誌!
加為朋友

廣東甘竹灘辣醬與台式人氣辣椒油

廣東甘竹灘辣醬與台式人氣辣椒油

廣東甘竹灘辣醬與台式人氣辣椒油

點煮網贊助

廣東甘竹灘辣醬與台式人氣辣椒油

2020-10-29 |

最近睇到飲食男女入面有一編介紹香港本地製作的醬油文章.一看之下,有好幾隻品牌小編都係第一次見.

好似九龍醬園,大孖醬園小編真係第一次聽.原來香港都有好幾間製作醬油嘅品牌.

講返小編認識嗰幾隻先喇.除咗廣為人熟悉嘅LKK大品牌之外,小編認得嘅就只有,余均益同裕興.



而本身小編自己有買開嘅都應該係余均益辣椒醬.余均益係屋企人一路有食開而所以認識.用嚟配干炒牛河同雲吞麵真係勁好味.

余均益嗰種叫酸香辣,酸度剛好,而辣味又適當地突出.食雲吞麵嘅時候,因為個酸味中和咗雲吞湯嘅咸度,真係啱啱好,超好味.

余均益辣椒醬製法到現時都依然古法製造,多年不變,所以得以保留其原味.現在在餐廳內食到余均益嘅辣椒醬都買少見少.

小編知道嘅都係啲老店,仲要特別要求先至會比余均益你.如果未試過嘅朋友,要試下廣東口味嘅甘竹灘辣醬.佢同豆瓣醬食法係原全相反.豆瓣醬味道偏咸,加在淡味的上海菜肉雲吞湯麵又出奇地夾.


最近小編都有上網網購台灣食品.買咗一隻叫詹醬.OK吖,夠芝麻香囉,微辣囉.小編都係比較喜歡廣東嗰啲同豆瓣醬多啲,比較有性格啲。🤭又可能得罪人添.Sorly sorly.



而講開辣椒醬,外國人除咗我地認識嘅辣椒仔Tobasco之外,其實都有好多五花八門嘅品牌係聽都未聽過架.

最近小編係youtube發現咗一個美國頻道叫First We Feast,頻道內有一個節目叫"Hot Ones",專門搵嚟唔同種類嘅名人嚟做訪問,而訪問嘅形式就與別不同。就係主持要嘉賓一邊食唔同程度辣嘅雞翼,一邊回答提問。節目入面用上多款唔同辣椒醬(大概10款),而最後的一款會是節目中最辣的一款,Scoville heat level係可以去到660,000以上。而每次被訪問嘅嘉賓都一定食到流晒眼淚爆晒粗口咁。而地獄廚神嘅Gordon Ramsy都食到不停咁爆粗。"FUxK!!!!"

節目名稱叫Hot ones.有興趣可以一看.如果想試下節目內的辣椒醬亦都可以上專屬網店買到.



點煮網贊助

回應

loading
點煮網贊助

廣東甘竹灘辣醬與台式人氣辣椒油