九月圓臍十月尖

Dimcook 點煮網誌!
加為朋友

九月圓臍十月尖

九月圓臍十月尖

九月圓臍十月尖

點煮網贊助

九月圓臍十月尖

2020-10-15 |

一入秋季,會多咗食材出現.例如栗子,南瓜,雪梨等.不過如果講到10月嘅時候大家總會記得係食大閘蟹嘅時候.

古語有云: 九月圓臍十月尖 農曆九月時食圓肚臍嘅蟹乸,而到農歷十月就食尖肚臍嘅蟹公.不過而家飼養嘅年代仲係唔係咁呢?

小編近幾年都少食咗大閘蟹.因為啲環境污染同飼料嘅問題喇,所以食大閘蟹嘅意欲大減.

最近見到社交平台度有人PO又大隻又爆膏嘅大閘蟹 “曬膏”照,不禁勾起小編想食大閘蟹嘅些少欲望.

往時小編通常都係屋企同屋企人食多. 比較少出去酒樓餐廳食.可能係細細個阿媽調嗰啲獨步單傳嘅蟹醋關係喇,食慣咗嗰隻味,食親大閘蟹無阿媽整嗰啲薑醋好似無食過大閘蟹咁.感官記憶都真係好神奇.

而家買大閘蟹都有得網購,都唔知買邊間好.如果想食都係要去返啲相熟同老字號舗頭買穩陣啲.如果唔識比人搵笨就唔好喇.

一經Google之後,原來黑心商人餵啲蟹食避孕藥先至有咁爆膏嘅效果.所以食大閘蟹都係小心啲好啲.去啲老字號,買貴些少比較安全,又或者食日本野生嘅大閘蟹囉,都未嘗唔係另一選擇.

揀蟹記住呢幾個秘訣就無甩拖!

以下資訊大家應該耳熟能詳.只係小編不學無術,見識淺.純粹資訊分享一下.

1.身體無缺,8隻腳,2隻鉗.

2.蟹肚要白.因為肚白反映生長環境優劣之差.

3.眼仔碌碌,要夠精靈,如果眼仔無反應就唔好揀喇.

4.蟹腳上的毛要呈啡紅/黃色.

5.腳爪要是金啡色.



小編偏好蟹公,因為公的蟹膏有些少黏口,帶半透明的啫喱狀口感,質感比較奶脂化.

而蟹乸都一樣好味,較硬身些少,有啲近乎鹹蛋黃的質感.

今個秋天你會一家人聚埋一齊食大閘蟹嗎?



點煮網贊助

回應

loading
點煮網贊助

九月圓臍十月尖