紐約典堂級曲奇!

Dimcook 點煮網誌!
加為朋友

紐約典堂級曲奇!

紐約典堂級曲奇!

紐約典堂級曲奇!

點煮網贊助

紐約典堂級曲奇!

2020-07-16 |

其實小編好鍾意食曲奇. 攞嚟送齋啡真係好夾.

有人鍾意曲奇脆卜卜,本人就鍾意外脆內軟.但係就梗係未有一隻食完會覺得想再食.無一隻可以登上小編嘅comfort food名單.


早排食過韓國手信名物嗰隻朱古力麻糬曲奇.OK喇幾得意煙煙韌韌.

而Mrs. Field就梗係覺得差咗啲嘢咁.唔係唔好食,係我唔會成日買嚟食囉.

唔知大家IG(Instagram)有無follow啲foodie食客用戶? 小編都有追蹤好幾個紐約foodies. 因為大部份佢地PO嘅相都係啲極邪惡嘅食物照. 例如啲雪糕呀,甜點呀,曲奇咁. 賣相非常之咁邪惡呀.見到係想即刻一啖咬埋去咁嗰隻.



小編之前都嘗試過整曲奇食.技巧就仲有好多進步空間. 🤣🤣


不過近排亦都有人介紹我食係香港買到嘅曲奇.賣相就非常之接近紐約紅咗差唔多廿年嘅levain bakery chocolate chip曲奇.味道小編就真係唔知原裝紐約版係咩味道.不過應該唔會係難食嗰隻.

而呢間進駐香港嘅曲奇餅店名為 Cookie Dpt. 店內所賣的曲奇就同紐約Levain Bakery嗰隻相近.


小編係早排有POP UP STORE嘅時候有朋友請我食咗塊之後,我就有衝動去搵邊度有得賣. Cookie Dpt嘅曲奇都真係幾好味.曲奇夠香,大大啖極有口感,食落一啲都唔覺得膩,多味道,真係好鬼正.


睇返Cookie Dpt嘅About Us就發現原來係紐約人移居香港,掛住紐約啲曲奇comfort food,所以就自資開咗間曲奇店,藉此分享一下紐約風嘅comfort food.好感動呀!


每塊曲奇都用料上乘,每日新鮮製作.仲有網上訂購送貸.好貼心呀!


店舖位於金鐘同中環,所以價錢係比Mrs Field貴啲啲嘅.不過有咁嘅質素,小編覺得都真係要試下.


Cookie Dpt仲不時推出特別味道,想試獨一無二口味嘅朋友就要留意佢地嘅IG喇.


你見到啲相就知咩叫邪惡曲奇.



https://cookiedpt.com/



如果去唔到買嚟試,小編搵咗網上copycat食譜🤣🤣,大家有時間不妨試下整.



以下是小編從網上找來的Levain walnut chocolate copycat 食譜嘅翻譯:(可以一試)



https://www.hijabsandaprons.com/food/levain-bakery-cookies


材料:

½杯(113克)黃油,室溫
1杯(200克)紅糖
¼(52g)杯砂糖
2隻蛋
2½(350克)麵粉杯,過篩
1½茶匙發酵粉 baking powder
1茶匙蘇打粉 baking soda
½茶匙鹽
2杯(250克)核桃,切碎(大碎)
2杯(325克)半甜或黑巧克力片

步驟:

將烤箱預熱至200ºC 。請在烤盤上鋪上羊皮紙。

在一個大的攪拌碗中攪拌黃油(室溫)和糖,直到奶油順滑(約3分鐘)。

加入第一個雞蛋,攪拌機以中低速攪拌直到完全合併。重複第二個雞蛋。

將麵粉,發酵粉,蘇打炒和鹽過篩並混合在一起。

小心地將它們全部倒入攪拌碗中。

混合核桃和巧克力片。

現在,將曲奇麵團粗糙做成(130g)的球型並放烤盤中(如果要冷凍一半的麵團以備後用,則為四個)。我稱量了它們,以便實際上能產生8個cookie。根據巧克力片和核桃的不同,每種口味可能都不到130g,這是準則。另外,如果曲奇麵團球的邊緣粗糙/不光滑,那更好。

將烤盤放入烤箱9分鐘。曲奇狀態下是金黃色。外脆內軟,而朱古力是溫溶狀態.

希望大家喜歡!

點煮網贊助

回應

loading
點煮網贊助

紐約典堂級曲奇!