植物肉你食過未?!

Dimcook 點煮網誌!
加為朋友

植物肉你食過未?!

植物肉你食過未?!

植物肉你食過未?!

點煮網贊助

植物肉你食過未?!

2020-07-09 |

我相信大家都一定有去過齋舖食齋. 素肉係亞洲其實都已經有一段相當嘅時間.通常一到佛誕就比屋企人捉去食齋嘅小編我對齋唔抗拒,仲覺得個齋午餐肉好神奇,以為係真午餐肉.🤣


但係唔知大家有無留意到連里安納度都要投資落去嘅Beyond Burger嗎?Beyond Burger係近呢兩年係北美大熱嘅100%植物肉.而早前美國Burger King推出咗植物肉嘅Whopper大成功.但係究竟植物肉同我地係齋舖食開嗰啲素肉又有乜分別呢?


係齋舖食到嗰啲素肉大部份都係由大豆纖維嚟整.而出面亦都有用小麥,花生同豌豆蛋白質嚟做嘅素肉.


咁係外國出口嗰啲植物肉個價錢又點解會咁離地呢.而家大部份新興植物肉都係經過一番科學研究出嚟.換句話說其實就係化驗室入面培植出嚟嘅植物纖維肉.由外貌至香味都模仿到真肉類一樣.而當然又再加多咗其他嘅維生素入去等個價錢又可以再提高啲啲又離地啲啲去吸引新一代嘅消費者去買.你有無份?🤣🤣


小編都係因為見到香港KFC有新植物雞肉嘅漢堡推出又走咗去試而有感而發啫.





至於個味道係點?個口感就好似食緊煎豆腐咁,味道其實就唔係好有雞味,因為份三文治入面啲配料味道原全遮蓋晒份植物雞扒嘅味道.如果比我揀我一定會揀去齋館食齋算.價錢唔係貴,但係我會想食番KFC個脆辣雞堡囉.


小編早一排都去過RUBY TUESDAY試過佢地嗰款”Beyond Burger”漢堡.見仁見志喇,如果你問我會唔會再食?我會比個🤣🤣你囉....



講開齋舖,灣仔有間齋館,佢地嘅芝麻糕係小編咁大個人食過最好味嘅芝麻糕.真係想知佢點解可以咁好味. 深水埗咩米芝蓮糕點店.......excuse me? 🤣🤣🤣


而香港亦都有植物肉企業Omnipork,仲做得幾好添. 如果大家有興趣試下咩味道,不妨支持下港企. 食素都會係未來其中一個大趨勢.相信亦都會幾盛行添.



點煮網贊助

回應

loading
點煮網贊助

植物肉你食過未?!