芝士三文治

Dimcook 點煮網誌!
加為朋友

芝士三文治

芝士三文治

芝士三文治

點煮網贊助

芝士三文治

2020-06-24 |



No Milk Shake No Life



上週末,友人相約深水埗行黃金商場,之後去咗食嘢.本應深水埗係勁多選擇,但係友人帶咗我去石硤尾一間美式餐廳.奇就奇在係間餐廳位於石硤尾呢區.真係無諗過會係石硤尾食到美式西餐.最多會見過SUBWAY(美式三文治店),但係最近都好似換咗燒賣王.



心入面諗會唔會中伏呀.美式西餐@SHEK KIP MEI?唔係港式茶餐喎MY FRIEND.🤣🤣

(我絕對無貶意成份,只不過覺得西餐係呢區,應該唔會太受歡迎).

除咗會係城大賽馬會創意藝術中心嗰棟大樓或者嗰頭有一兩間西餐之外.其他都係中式餐館居多.


今次又證明咗我弧陋寡聞之外都唔知可以講啲咩好.


間西式餐廳名叫 “No Milk Shake No Life”. 小編勁愛美式奶昔. 😍 位於美荷樓隔離.



餐廳裝修得有點像60年代美式CAFE風.感覺良好.音樂開得大大聲的.適合年輕啲嘅食客.



不過不得不提就係佢嘅奶昔同Grilled Cheese Sandwich.因為我當日係叫咗呢兩款.🤣



佢個Grilled cheese sandwich同其他地方食到嘅有啲分別. 份三文治入面加咗焦糖化咗嘅洋蔥,煙肉同蘑菇.令到份三文治有分量好多同有驚喜.麵包部份亦都焦化得啱啱好,入口脆脆的,好好味呀.



不過佢杯奶昔真係好得,可以自選配料.我就選咗粟米片.杯香蕉朱古力奶昔入口有粒粒粟米脆脆,真係好鬼正呀.



其實我講咗咁多,都係介紹下我自己嘅Grilled cheese sandwich食諧.🤣🤣



材料:



2片麵包(建議酸種麵包)

2款芝士(周打芝士,格魯耶爾芝士)

牛油



步驟:

用牛油搽上麵包兩面,共4面

把芝士放在麵包上,用另一塊麵包蓋上.

把整份三文治放上易潔鑊,中細火加熱.煮3至4分鐘,直至麵包現金黃色

當底部麵包現金黃色,把整份三文治反轉,煮3至4分鐘,直至麵包現金黃色.







點煮網贊助

回應

loading
點煮網贊助

芝士三文治