第三浪咖啡

Dimcook 點煮網誌!
加為朋友

第三浪咖啡

第三浪咖啡

第三浪咖啡

點煮網贊助

第三浪咖啡

2020-06-01 |


小編其實都幾熱愛飲咖啡.每日至少要朝早一杯,先至可以醒到.🤣 小編自讀大學嘅時代開始飲咖啡.飲到而家漸漸對咖啡嘅本質味道開始有要求.之前飲咖啡係最主要為提神,到近呢兩年先開始識對咖啡嘅味道作出識別.



小編最近亦都為自己對咖啡嘅興趣有咗些少嘅提升同覺醒.添置咗啲新玩具去為自己做冷泡咖啡/冰萃咖啡.😋YUMMY!



對飲咖啡嘅認知,我覺得唔多唔少都要多謝STARBUCKS呢種將飲咖啡文化發揚光大嘅企業致敬.如果唔係佢地我真係唔會知道原來咖啡係有咁多種飲法.



而講起飲咖啡呢種文化,係外國都已經有一段日子,仲要而家已經係進入咗第三浪嘅咖啡文化.(Third wave coffee)😱



個名咁文青,咁浪漫嘅?!以為講緊電影思潮咩文化覆興咁.即刻覺得自己後生咗成10年.



咁,第三波咖啡究竟係啲乜?!



飲咖啡文化之所以演變到而家第三波,最主要原因莫過於用家對產品認識多咗同對質量有要求所至.



簡單啲嚟講,第一波主要係60年代即溶咖啡係美國同歐洲多國嘅掘起(Coffee in cans),以至大批人開始意會到咖啡呢種飲品,亦係咖啡被商品化嘅開始.



第二浪就係極受年青一輩嘅愛戴,買一杯三,四十蚊嘅咖啡飲品可以坐足半日,已經成為咗各院校學生自由度極高嘅溫習室嘅星巴克咖啡店文化.🤣🤣



第二浪亦都係大多數人開始對唔同咖啡飲品認識多咗而開始有要求.例如(custom made drinks)因應客戶所需的貼身飲品:Decaf skimmed milk Latte, Machiato with oatmilk,tall coffee走杯🤣等等..等等.



而第三浪呢一波亦係熱愛咖啡人士對咖啡有一定嘅深度認識.而呢一批人對咖啡豆產地,種植高度,烘焙時間等等都好講究.係香港,愛咖啡之士大有人在.例如 https://www.reyachcoffee.com/en/, 雖然只係咖啡烘焙店,只要你睇Reyach coffee所賣嘅豆同佢地所提供嘅咖啡課程就知店主係名副其實嘅第三浪人士.👏🏻



而第三波咖啡文化就正正係全球發酵緊,而中國內地亦都開始有自己出產嘅咖啡豆係市場出售.至於味道如何,有待小編去探索一下.



新興嘅第三浪咖啡店品牌如Blue Bottle,% Arabica都有係香港立足.香港係繼日本,南韓之後,係亞洲第三個有Blue Bottle嘅地方.小編相信第三浪咖啡文化係亞洲都已經醞釀咗一排,尤其係日本.而呢一波嘅文化亦都會係亞洲各地持續發酵.其實精品咖啡店就係一啲好好嘅第三波例子.


@colour brown coffee


而BLUE BOTTLE只係將其風氣推至品牌化,讓呢股咖啡文化吹得更高更遠.



小編就都係啱啱開始.如果有講錯希望大家指點下.



而我入坑嘅第一步就係添置咗呢兩款初階玩具.😁



Hario Filter in Coffee bottle 同 Hario grinder. 入門級用具.




冰萃咖啡,夏天無咗佢,真係唔知飲唔飲咖啡好.

點煮網大部份用戶都應該係飲茶多.小編純粹係分享經歷.請多多支持.


今日就寫到呢度為止.下次再傾.✌🏻


Cooking Papa😂👔

#冰泡咖啡 #咖啡 #第三浪咖啡 #Blue Bottle #Arabica #冰萃

#精品咖啡 #HARIO #咖啡烘焙 #烘焙 #咖啡豆 #泡咖啡 #Intelligensia #Stumptown #La Columbe



點煮網贊助

回應

loading
點煮網贊助

第三浪咖啡