白布烏冬....吓?!

Dimcook 點煮網誌!
加為朋友

白布烏冬....吓?!

白布烏冬....吓?!

白布烏冬....吓?!

點煮網贊助

白布烏冬....吓?!

2020-05-12 |

白布烏冬聽過未? 我就聽早幾日到,就亦都未食過.

最近又係IG見到相,好似一塊雲吞水餃皮咁款嘅麵食,叫白布烏冬.🤣(絕無眨義)

我呢啲後知後覺,又無乜潮流觸覺,孤陋寡聞嘅老小編嚟講,應該又係食風尾.不過有心唔怕遲,有好嘢就應該介紹下🤣

起初以為呢排乜興食雲吞皮咩?!睇真啲原來係叫白布烏冬,源於日本群馬縣.係當地名物.日本三大烏冬龍頭之一!問係驚未?真孤陋寡聞.

烏冬大至上都係讚岐同稻庭烏冬比較廣為人熟識.其實係日本有三大烏冬勢頭.有香川縣嘅讚岐烏冬,秋田縣嘅稻庭仲有今日小編想講嘅群馬縣水澤烏冬.群馬縣最有名氣嘅就係"藤屋".而"藤屋"裡面就有一款「ひもかわうどん」,貌似意大利千層麵LASAGNE嘅原材料嘅烏冬.

@藤屋正品

而呢款群馬縣名物,香港亦有得食.小編對麵食有特別嘅喜好,所以就走咗去試下.


呢間位於大角咀嘅食品研究所,今次就為港人引入白布烏冬概念,自己鑽研出與日本群馬縣相近的白布烏冬.如果有睇開本地媒體都已經有介紹過.今次係小編私人走去試食.有兩款烏冬我係特別想試.就係「南蠻咖哩汁沾烏冬」同「冷汁山藥白布烏冬」.烏冬本身極之掛汁,我呢啲重口味人仕,唔會有其他選擇囉.

話晒都未食過貌似雲吞皮嘅烏冬麵,又好好奇想試下係咩東東.經改良過嘅群馬縣名物「ひもかわうどん」又確係有其可取之處喎! 因為烏冬本身極掛汁,而小編因為天口熱決定食「冷汁山藥白布烏冬」.

山藥亦即係我地嘅"淮山". 淮山本身生食有潺(音SAN)🤣,磨蓉後潺狀會增加!小編對潺一啲都唔抗拒,仲幾鍾意添,滑潺潺嘅山藥蓉薄薄的掛係白布烏冬上面,再點少少日式醬汁,好好味呀!味道清甜,口感煙韌,咀嚼完仲滑溜溜地滑過喉嚨,直達消化系統.正!夏天食冷烏冬,消暑!

友人點了鰹魚汁雞肉烏冬,我就覺得甜咗啲.


烏冬闊身,煙韌唔會太粉,濕度剛好,超煙韌!帶有WASABI微辣嘅醬汁,簡單而不膩口.又香又有口感.正呀.值得一試!小編烈日當空排咗成粒鐘食完都仲讚呢就真係要試一試.

價錢亦都唔係喺堅尼地城食嗰啲咁堅離地價嘅外國餐咁囉.

如果唔想烈日當空排隊食烏冬,佢地仲有網店可以網購送貨買返屋企自己整嚟食.

https://www.kintaro.tv/

實體餐廳係大角咀利得街52號. 金所 行開大角咀可以一試.


#好好味 #hkig #food #yummy #hungry #healthy #食好西 #相機食先 #好食 #美食 #foodie #hongkongfood #hongkongfoodie #recipe #recipes #easyrecipes #easycooking #食譜 #點煮網 #試食 #日本菜



點煮網贊助

回應

loading
點煮網贊助

白布烏冬....吓?!