純天然自制燕麥奶!

Dimcook 點煮網誌!
加為朋友

純天然自制燕麥奶!

純天然自制燕麥奶!

純天然自制燕麥奶!

點煮網贊助

純天然自制燕麥奶!

2020-05-05 |


小編知道有好多女仕讀者眾都應該有飲豆奶呢個習慣.事關豆奶又或者係植物奶都含高鈣物質.對高風險有骨骼疏鬆嘅女仕們嚟講,絕對係欣物.其實今次小編係想專題分亨下近幾年係外國幾盛行下嘅燕麥奶.

如果細心嘅讀者們,有留意超市入面嘅包裝奶類產品的話,都會見到有杏仁奶,豆奶呢類型嘅產品.而又會多咗米奶同燕麥奶.而燕麥奶係呢幾年之所以彈起,都因為飲植物奶嘅需求多咗,咖啡師又比較喜歡用燕麥奶嘅濃稠度嚟調咖啡,所以燕麥奶係市場上(北美,歐洲)大賣.

而家市場上有咁多種類植物性奶類產品主要原因係現代人發現有部份人嘅腸胃會對牛奶入面嘅乳糖有過敏嘅跡象(lactose intolerance/乳糖不耐).而植物奶就明顯比較容易吸收及消化,而係呢方面植物奶係比全脂牛奶優勝好多.



而最近有一隻瑞典燕麥奶係美國同歐洲大賣,而香港亦相繼係超市同咖啡店內買到.小編係喜歡飲咖啡之人,所以有留意到.而燕麥奶本身質地比豆奶稠,調教出嚟嘅咖啡味道及口感都比牛奶相近.而營養方面就首先睇下啲資料先:

資料來源:Medical News Today

@medicalnewstoday


以上是大概一杯240豪ml分量作測試.

基於燕麥奶含相對較高的碳水化合物,卡路里量和糖份,(小編就唔建議正在減肥中人仕用燕麥奶). “燕麥奶提供了杏仁/豆奶無法提供的乳脂狀稠度",所以大家會見到有好多咖啡調教師都會用佢作牛奶代替品.而係STARBUCKS,老麥CAFE亦開始見到有用燕麥奶去調咖啡.

因為杏仁奶通常比較難起泡.所以有某類杏仁奶產品會添加磷酸鉀來解決這個現象.患有腎臟疾病嘅人有可能無法從血液中濾除磷.

咁可能大家會問,做乜唔飲豆奶同牛奶啫?豆奶乜都好.但係我相信市場推出唔同種類嘅產品主要都係因應市場有咁嘅需求才會出現.

咁燕麥奶有咩好處?

因為本身燕麥不含膽固醇,含食用纖維,可改善血脂,降膽固醇,改善腸胃同至緊要嘅對皮膚有護膚作用,如果用開天然護膚品嘅女仕們都應該知道.養顏至緊要喇.




小編呢啲自以為自己仲18,22之濟,一直覺得膽固醇咩嚟架?埋唔到我身嘅.

一係唔驗身,一驗就出晒事😨😭.醫生同我講要注意下啲飲食,話晒年紀有反咁上下喎.

我唔係因為無得食好西而喊,我喊係一時面對唔到自己榮升為叔輩呢個現實.🤣🤣

笑講完,話歸正題.膽固醇呢樣嘢對年青一輩嘅讀者們嚟講可能係天南地北,遙不可及.

但係如果無呢種意識,佢嘅威脅總有一天搵上門.食得健康啲,對自己好啲.

雖然無文獻確實燕麥奶對膽固醇有顯著嘅療效,但邏輯推斷

到,總比無飲為好.又可以環保啲啲,相比起飲動物奶.

而用燕麥奶做出嚟嘅衍生產品亦相繼出現於市場當中,例如雪糕等.香港未知幾時有得賣.唔知用燕麥奶去做蛋糕又如何呢?

小編之所以想介紹燕麥奶,係因為佢比杏仁奶平,自己係屋企都整到,材料又極簡單.只需

要燕麥同水加攪拌機,同埋細窿湯渣袋. 如果大家都唔想用離地價去飲瑞典出產嘅燕麥奶,

不妨自己整嚟飲,成本貼地好多架.



材料:

1杯原片燕麥(未經處理過較好) (Rolled Oat)

3杯水


步驟:

先將1杯燕麥用暖水沉20分鐘.水位要蓋過燕麥.

過篩,放乾

當燕麥乾身後,放入攪拌機

加入700ml水(大概3杯分量)

以高速攪拌2分鐘

將攪拌完的燕麥奶放入湯渣袋過濾.

可以直接飲用.

可以加糖調味,或加入朱古力粉以作朱古力奶飲用.

祝大家身體健康,長做長有.🖖🏻✌🏻



需控制膽固醇嘅讀者不妨試下. 燕麥奶相比起其他植物奶糖分較高,如果有糖尿問題就應該要小心.



#燕麥奶 #燕麥 #膽固醇 #降膽固醇 #預防心臟病 #素食 #杏仁奶 #豆奶

#oat milk #oat #vegan #oatly #DIY #homemade #手作 #lactose intolerance



點煮網贊助

回應

loading
點煮網贊助

純天然自制燕麥奶!