隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

cici小廚房
加為朋友

cici近年愛上煮食, 希望在此分享小小煮食經驗, 用我嘅誠意去煮每一道餸菜同生活點滴
  • 老少平安

    2014-04-02 | 開飯啦-豆品雞蛋篇

    大家相信都有留意馬航失蹤事件, 已經過咗幾日, 事情都唔係咁樂觀, 但總希望有奇蹟出現. 祈願機上所有人都平安回來. 特別為所有人送上'老少平安', 希望大家都平安, 珍惜眼前人.
    老少平安是一道傳統的家常餸. 這道餸材料簡單, 做法簡單, 煮法亦非常簡單. 因為冇骨又軟棉棉的關係, 無論係老人家定係小朋友, 都食得好安心同好開心.
    為咗豐富我的味覺, 我加咗蝦米入去, 將整碟餸香味同口感更加不少.
    老少平安 (2人份量)
    材料:
    軟豆腐或布包豆腐 1件
    鯪魚肉 4兩 (約150克)
    蝦米 2湯匙
    雞蛋 1隻
    蔥粒 2湯匙
    生抽 1湯匙
    麻油 少許
    調味料:
    生粉 1/2茶匙
    胡椒粉 少許
    麻油 少許
    做法:
    1. 將鯪魚肉加入調味料, 順一個方向拌勻.
    2. 蝦米浸軟後切碎. .... (更多)
  • LC無水腐乳蒸雞翼

    2014-03-26 | 開飯啦-Le Creuset篇

    做個煮婦實在唔容易, 每日要費周章去諗煮咩餸, 仲要係我哋一班上班一族, 放工仲要去街市買餸, 所以, 雪櫃一定要有D儲備, 雞翼一定少不了.
    用上LC來無水蒸, 簡單快捷, 雞翼十分入味又不會過熟, 而且非常嫩滑, 味道不會被普通蒸餸的 "倒汗水"而令個汁沖淡.
    LC無水腐乳蒸雞翼 (4人份量)
    材料:
    雞翼 16隻
    調味料:
    腐乳 5小磚
    蒜蓉 1茶匙
    糖 1 1/2茶匙
    花雕酒 1 1/2湯匙
    胡椒粉 少許
    做法:
    1. 雞翼解凍洸淨, 抹乾水份, 放落保鮮袋.
    2. 先將調味料拌勻, 然後倒入保鮮袋, 與雞翼按摩混合. 將保鮮袋扭轉, 用力搖勻, 大約醃30分鐘.
    3. 打開調味保鮮袋加1湯匙水勻和, 之後將雞翼平均鋪在LC上, 加蓋, 中火加熱5分鐘, 轉小火煮5分鐘, 熄火, 用餘熱焗6分鐘. .... (更多)
  • 節瓜咸蛋肉片湯

    2014-03-20 |

    每當我有點胃口不佳, 而又唔想煮飯, 就喜歡煮一些快捷簡單的湯水. 除咗之前的粟米豆腐蛋花湯, 這個湯亦都係其中. 有瓜, 有肉, 又有清甜的湯水, 加隻咸蛋, 仲提升湯的味道.
    節瓜咸蛋肉片湯 (2人份量)
    材料:
    節瓜 2個
    梅頭肉 200克
    咸蛋 1隻
    薑 3片
    醃料:
    生抽 1湯匙
    糖 1茶匙
    油 半茶匙
    麻油 少許
    胡椒粉 少許
    生粉 1茶匙 (後下)
    做法:
    1. 節瓜刮去皮, 洗淨切塊. 鹹蛋分開蛋白及蛋黃備用; 薑切片備用.
    2. 梅頭肉洗淨切薄片, 加入醃料醃半小時.
    3. 清水注入煲內, 放入薑片, 煲滾後加入瘦肉; 節瓜和鹹蛋黃, 大火煲10分鐘待全部材料熟透.4. 最後打入鹹蛋白拌成蛋花滾熟,即可飲用.
    *小分享*
    鹹蛋已經帶有鹹味, 試味後如有需要可 .... (更多)
  • 金錢馬蹄餅

    2014-03-10 | 開飯啦-蔬菜類

    剛過去星期日的'吾淑吾食' 唔知大家有冇睇呢? 因為嗰集之後, 這幾天大家都爭相去煮裡面的菜色. 飲食節目, 我本身喜愛觀看, 吾淑吾食' 更加會追看, 因為GIGI姐煮嘢最家常, 實際. 每次我睇到有自己喜愛的菜色, 就只會記住材料, 調味同煮法就靠自己的經驗去煮. 其實, 煮食就是這樣子, 變化往往靠自己的經驗. 當然, 偶有失敗的時候, 從中吸收經驗, 終會成功.
    這個餸菜係我之前睇'都市閒情' Annie師傅, 而作參考. 她煮嘢亦都係最家常, 實際, 唔知大家都有冇睇呢?
    金錢馬蹄餅
    材料:
    馬蹄 6粒 (100克)
    蝦仁 200克
    免治豬肉 100克
    芫茜 1茶匙 (切碎)
    蔥 1湯匙 (切碎)
    蝦調味:
    鹽 1茶匙
    胡椒粉 少許
    生粉 1湯匙 (後下)
    免治豬肉調味:
    鹽 1茶匙
    胡椒 .... (更多)
  • 草菇瑤柱扒豆苗

    2014-03-08 | 開飯啦-蔬菜類

    冬天已經漸近尾聲, 即代表豆苗亦差不多到尾水啦~~~~為咗唔想等到下一個冬天先可以再品嚐, 就拿拿臨食多一次.
    通常大家煮瑤柱扒豆苗, 都會用蠔油獻, 但始終會有少少漏的感覺, 換上玻璃獻, 就比較清淡.
    草菇瑤柱扒豆苗 (2人份量)
    材料:
    瑤柱 5-6 粒
    豆苗 半斤
    草菇 4兩
    薑 3片
    獻汁:
    雞粉 1湯匙
    生粉 1茶匙
    瑤柱水 2湯匙
    麻油 少許
    胡椒粉 少許
    做法:
    1. 先將草菇用濕布抹淨, 汆水, 作伴碟備用.
    2. 瑤柱用水浸軟, 撕成絲, 瑤柱水留起備用.
    3. 豆苗洗淨, 燒熱油鑊爆香薑片後, 將豆苗炒熟上碟.
    4. 再另起油鑊, 將瑤柱爆香後, 加入獻汁, 開始收汁, 熄火, 淋上豆苗即成.
    .... (更多)
  • 蕃茄紅蘿蔔三文魚腩骨湯

    2014-03-04 | 開飯啦-湯水篇

    最近韓風襲港, 大家係咪都係其中一份子呢? [來自星星的你], 自問我一集冇睇過, 可能劇種同男主角吸引唔到我 (唔知會唔會得罪好多人呢), 亦都唔想為增加話題, 而隨波逐流.
    早兩日, 竟然買到新鮮挪威三文魚腩骨, 苦惱點煮的時候, 知道三文魚油可以滋潤皮膚, 就煲個靚湯啦~~~煲到D三文魚腩肉碎晒, 正~~~~
    蕃茄紅蘿蔔三文魚腩骨湯
    材料:
    蕃茄 4個
    紅蘿蔔 1條
    三文魚腩骨 2條
    薑 6片
    魚袋 1個
    做法:
    1. 三文魚腩骨洗淨, 燒紅鑊,用油爆香薑片, 放入三文魚腩骨煎熟盛起放入魚袋備用.
    2. 蕃茄洗淨去蒂, 一開四. 紅蘿蔔刨皮, 切小塊, 備用.
    3. 凍水放薑於煲內, 水滾後加入所有材料.
    4. 先用大火煲半小時, 後轉慢火煲1小時, 加鹽調味即可.
    .... (更多)