隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

cici小廚房
加為朋友

cici近年愛上煮食, 希望在此分享小小煮食經驗, 用我嘅誠意去煮每一道餸菜同生活點滴
    網誌類別: 開飯啦-湯水篇
  • 黨參羊肉圓肉湯

    2014-01-17 | 開飯啦-湯水篇

    每逄冬天除咗會畀氣管敏感困擾之外, 仲有手腳冰冷. 天氣寒冷的日子, 暖包係必需的. 臨瞓前一定要用暖包, 暖水袋先暖咗被窩才能安睡. 好多年前曾經飲過羊肉湯, 記得飲完成個身都會暖番晒. 
    之前係一田買咗紐西蘭羊腩排, 本身諗住用嚟炆羊腩煲, 見自己這幾日都好虛, 就用它取而代之煲湯啦!
    黨參羊肉圓肉湯 (4人份量)
    材料:
    羊肉 半斤
    黨參 4錢
    圓肉 5錢
    紅棗 6-8粒
    生薑 3片
    做法:
    1.羊肉洗淨汆水;其餘材料浸洗, 備用.
    2.凍水放薑, 用12碗水煲滾, 將全部材料放入煲內, 先用猛火煲半小時, 轉慢火煲1個半小時, 成8碗, 落適量鹽調味, 即成.
    [功效]
    1. 此湯對婦女產後虛寒十分有幫助,有袪風暖胃,補氣血作用, 但陰虛火旺者忌服.
    2. 用羊肉配黨參,紅棗,圓肉煲湯服, .... (更多)
  • 2014-01-15 | 開飯啦-湯水篇

    由身體抱恙, 已經冇入廚幾日. 這幾天天氣寒冷, 想食D熱辣辣嘅食物. 喜愛飲湯嘅我, 當然煲番煲湯就最好不過. 天氣變, 一向有氣管敏感的我, 梗係煲番D清潤的湯水. 我以前都比較抗拒D奇怪的湯水 (總之唔係大路嘅青紅蘿蔔, 蕃茄薯仔.....等等) 但人大咗, 對改善身體嘅湯, 我都漸漸接受. 不過, 始終有某些湯依然唔飲啦!
    龍脷葉枇杷葉石黃皮湯 (2人份量)
    材料:
    龍脷葉 1兩
    鮮枇杷葉 1兩
    南北杏 1兩
    雪梨 2個
    豬冧肉 4兩 . (大約$20)
    薑 3片
    做法:
    1. 龍脷葉,枇杷葉浸洗; 雪梨洗淨,去核,切厚片. 豬冧肉洗淨汆水.
    2. 凍水放薑, 用12碗水煲滾, 將全部材料放入煲內, 先用猛火煲半小時, 轉慢火煲1個半小時, 成8碗, 落適量鹽調味, 即成.
    [溫馨小貼士]:
    雪梨切開 .... (更多)
  • 冬至烚烚吓-咸菜胡椒豬肚湯

    2013-12-28 | 開飯啦-湯水篇

    E個post本身諗佳冬至之後出嘅, 但畀聖誕post爬頭, 再擺係度唔出連我自己都覺得out!
    冬至之前一直為煮咩餸而頭痛, 最終因為那天天氣依然凍冰冰t煩, 打邊邊算啦. 我特意出去深水埗北河街市買海鮮, 這裡選擇多, 亦有比較特別嘅海鮮.
    黃金蚌
    鏡殼
    九節蝦
    不過, 今次再唔係莞茜皮蛋豆腐湯底, 而煲個湯用嚟做湯底, 諗咗好耐, 決定煲咸菜胡椒豬肚湯. 這個湯好啱冬天飲, 胡椒辣辣地嘅味道, 飲完個身暖笠笠.
    咸菜胡椒豬肚湯
    材料 :
    咸菜 2兩
    豬肚 1個
    豬筒骨 $30
    白胡椒粒 3湯匙
    生熟意米 3錢
    腐竹 適量
    薑 4片
    做法:
    1. 洗淨豬肚。用白鑊煎吓豬肚的兩面,之後用羗片將豬肚出水,再用凍水沖洗,之後切小片。
    2. 豬骨洗淨汆水。白胡椒用白鑊爆香,咸業菜略洗,切小片及切 .... (更多)
  • 准山栗子雪耳螺頭湯

    2013-12-22 | 開飯啦-湯水篇

    大家應該已經知道香港電視會進軍流動電視, 對我哋嚟講簡直天大喜訊. 「一男子」拒絕發免費電視牌照這兩個月, 我一直深信香港電視係唔會死亡, 主席一定會尋求各種方法去令香港電視繼續生存. 形式雖然唔同咗, 同埋要到出年7月, 但我依然支持., 證明只要堅持到底, 一定會成功. 為慶祝, 就用清甜湯水代酒啦!
    今次依個湯係我朋友個工人提供嘅, 咁啱行街市見到有一盤新鮮螺仔, 就買咗再加急凍螺頭, 清甜無比.
    准山栗子雪耳螺頭湯
    材料:
    栗子 半磅
    急凍螺頭 2隻
    准山 1兩
    雪耳 3錢
    瘦肉 $20
    薑 3片
    做法:
    1. 將螺頭解凍去腸, 洗淨; 連同瘦肉汆水, 備用.
    2. 栗子去穀洗淨, 其他各種材料浸洗, 雪耳去蒂, 備用.
    3. 用10-12杯清水於煲內, 凍水放薑片
    4. 水滾後, 放入所有材料 .... (更多)
  • cici小廚房

    2013-12-17 | 開飯啦-湯水篇

    從星期日開始, 天氣開始凍, 睇天氣預測, 應該會凍足一星期. 我終於覺得似番個冬天啦! 雖然我都幾怕凍, 都唔明冬天出世嘅我, 冇理由會咁怕凍架! 冬天當然要飲多D滋潤湯水, 就由我嘅湯水滋潤你哋啦!
    椰子紅蘿蔔雪耳鮮百合湯
    材料:
    新鲜椰子 1個
    椰子水 1包
    紅蘿蔔 1絛
    雪耳 3錢
    鮮百合 2個
    豬冧肉 大約$20
    蜜棗 2粒
    薑 3片
    做法:
    1. 椰子洗淨後切片, 紅蘿蔔刨皮洗淨後滾筒式切件, 備用.
    2. 雪耳浸透, 用剪刀剪去硬蒂, 撕成小朵後備用.
    3. 豬冧肉洗淨, 汆水後備用.
    4. 蜜棗浸洗後備用.
    5. 鮮百合切去頭尾啡黑色部份, 逐塊剝開洗淨.
    6. 凍水放薑, 滾起後, 放入所有材料 (除雪耳鮮百合外), 先用猛火煲半小時, 轉慢火煲半小時, 之後加雪耳及 .... (更多)
  • 繼續滋潤-紅蘿蔔粟米海底椰豬尾骨湯

    2013-11-19 | 開飯啦-湯水篇

    之前整粟米肉粒飯, 係街市買咗紅蘿蔔同粟米, 而屋企又有海底椰乾. 只須買D豬尾骨, 又可以潤一潤~~~~嘻嘻 
    紅蘿蔔粟米海底椰豬尾骨湯
    材料:
    紅蘿蔔 1條
    粟米 2條
    海底椰 1兩
    豬尾骨 $35
    南北杏 1錢
    蜜棗 4粒
    薑 3片
    做法:
    1. 豬尾骨洗淨, 汆水備用.
    2. 紅蘿蔔去皮洗淨, 滾邊切細件, 粟米去蘇洗淨一條, 切成三段.
    3. 其他材料浸洗備用.
    4.將全部材料放入煲內,用10-12碗水, 大火煲半小時, 細火煲1.5小時, 下鹽調味即可.
    .... (更多)