隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

cici小廚房
加為朋友

cici近年愛上煮食, 希望在此分享小小煮食經驗, 用我嘅誠意去煮每一道餸菜同生活點滴
    網誌類別: 開飯啦-湯水篇
  • 金銀菜豬肺湯

    2014-05-13 | 開飯啦-湯水篇

    琴日母親節,每年這個日子,我都會送上鮮花。因為媽咪係愛花之人,反而佢唔嗜甜,所以我唔需要為做什麼甜品而苦惱。今年送上媽媽喜愛的百合花,令她驚喜萬分。這些百合花開得好燦爛,希望媽媽身體健康,日日都咁開心!
    每年都會提早同媽媽,婆婆們出去食飯,今年如是。反而,琴日在家和媽咪慶祝,一早同媽咪飲茶,之後我獨自去一田買餸。記得上星期行一田,見到有已經洗淨嘅豬肺賣。小時候,媽咪每次都會好辛苦洗豬肺去煲湯畀我哋兩姊弟飲,所以今年調轉角色,由我去煲畀佢飲!
    金銀菜豬肺湯 (4人份量)
    材料:
    豬肺 一個
    白菜乾 二兩 (大約兩扎)
    大白菜 一斤
    豬筒骨 半斤
    南北杏 四錢
    薑片 四片
    蜜棗 四粒
    做法:
    1. 豬肺洗淨,切件,用粗鹽摔,沖水,之後白鑊烘乾,使豬肺出水縮小。
    2. 豬筒骨洗淨,汆水,備用。
    3. 白菜浸水洗淨 .... (更多)
  • 杞子枸杞豬潤瘦肉湯

    2014-04-16 | 開飯啦-湯水篇

    春天天氣潮濕, 近期係咪容易覺得疲倦, 瞓幾多都好似唔夠呢? 如果係的話, 嚟一碗枸杞湯. 枸杞春秋最當造, 配搭豬潤同杞子, 養肝腎; 明目; 補血. 正是啱晒潮濕天氣飲用.
    嗰日係街市見到本地種的枸杞, 好嫩綠, 每塊葉都好大塊, 即刻豪不猶豫買咗半斤! 新界種植, 味道果然唔同, 煲出嚟湯水濃郁, 枸杞微苦甘香的味道十分重.
    杞子枸杞豬潤瘦肉湯 (2人份量)
    材料:
    枸杞 半斤
    豬潤 200克
    瘦肉 200克
    杞子 15粒
    薑片 3片
    豬潤醃枓:
    薑蓉 2湯匙
    米酒 1茶匙
    生抽 1茶匙
    糖 1茶匙
    粟粉 1茶匙
    胡椒粉 少許
    麻油 少許
    瘦肉醃料:
    生抽 1茶匙
    糖 1茶匙
    粟粉 1茶匙 (後下)
    油 1茶匙
    胡椒粉 少許
    麻油 少許
    .... (更多)
  • 淮山杞子雪耳海參湯

    2014-04-04 | 開飯啦-湯水篇

    當人漸大, 愈來愈覺得需要保養身體. 除咗比以前較注意飲食, 保養湯水亦少不了. 最緊要經常保持開朗樂觀的心情, 自然會有好多正能量.
    保養湯水, 我間中會煲雪耳, 海參, 花膠的湯水. 因為這些食材膠質重, 非常有益,常用能令皮膚光潔細嫩.
    淮山杞子雪耳海參湯
    材料:
    淮山 1兩
    杞子 4錢
    雪耳 2錢,
    海參 2條
    豬展 半斤
    薑 4片
    做法:
    1. 淮山, 杞子, 雪耳浸洗. 雪耳去蒂, 備用.
    2. 將預先浸發的海參連同豬展汆水.
    3. 用10碗水, 凍水放薑, 將全部材料放入煲內 (除咗雪耳, 海參), 先用大火煲半小時, 轉細火煲半小時, 之後加雪耳, 海參再煲一小時, 落適量鹽調味, 即成.
    功效: 此湯益精養血,不寒不燥,全家可飲. (特別在每次生理期之後)
    .... (更多)
  • 蕃茄紅蘿蔔三文魚腩骨湯

    2014-03-04 | 開飯啦-湯水篇

    最近韓風襲港, 大家係咪都係其中一份子呢? [來自星星的你], 自問我一集冇睇過, 可能劇種同男主角吸引唔到我 (唔知會唔會得罪好多人呢), 亦都唔想為增加話題, 而隨波逐流.
    早兩日, 竟然買到新鮮挪威三文魚腩骨, 苦惱點煮的時候, 知道三文魚油可以滋潤皮膚, 就煲個靚湯啦~~~煲到D三文魚腩肉碎晒, 正~~~~
    蕃茄紅蘿蔔三文魚腩骨湯
    材料:
    蕃茄 4個
    紅蘿蔔 1條
    三文魚腩骨 2條
    薑 6片
    魚袋 1個
    做法:
    1. 三文魚腩骨洗淨, 燒紅鑊,用油爆香薑片, 放入三文魚腩骨煎熟盛起放入魚袋備用.
    2. 蕃茄洗淨去蒂, 一開四. 紅蘿蔔刨皮, 切小塊, 備用.
    3. 凍水放薑於煲內, 水滾後加入所有材料.
    4. 先用大火煲半小時, 後轉慢火煲1小時, 加鹽調味即可.
    .... (更多)
  • cici小廚房

    2014-03-01 | 開飯啦-湯水篇

    這兩日天氣回暖,亦都好潮濕。回南天令人好容易攰,濕又重,胃口麻麻地。當做任何事都提不起勁的時候,當然食一些自己喜愛的食物,去激起自己的小能量!
    當懶筋出現,而又想飲湯,滾湯就最好不過。粟米湯深受大人小朋友歡迎,十分鐘就有得飲啦!
    粟米豆腐蛋花湯 (2人份量)
    材料
    開罐粟米蓉 1罐
    布包豆腐 1塊
    雞蛋 1隻
    獻:
    栗粉 1湯匙
    水 半罐
    做法:
    1. 布包豆腐洗淨,切小粒。雞蛋打定備用。
    2. 粟米蓉加半罐水用大火煮滾,滾起加入豆腐粒,轉慢火,直至滾起加入粟粉水,再滾起落鹽調味,熄火才逐少落蛋漿,搞出蛋花,即成。
    *小小分享*
    1.滾這個湯無須加蓋,以免滾瀉。
    .... (更多)
  • 海底椰雪耳百合豬展湯

    2014-02-20 | 開飯啦-湯水篇

    當天氣持續寒冷, 除咗打邊邊, 仲可以飲啖滋潤嘅老火湯. 一睇個名就知道好潤呢~~~~~仲唔快D煲嚟飲!
    海底椰雪耳百合豬展湯
    材料:
    海底椰 3錢
    雪耳 1兩
    百合 5錢
    南北杏 1兩
    無花果 4粒
    豬展 6兩
    薑片 3片
    做法:
    1. 豬展洗淨,切小塊, 汆水備用.
    2. 雪耳浸軟後去蒂; 無花果浸洗乾淨之後切半, 其餘材料浸洗乾淨.
    3. 用10-12碗清水於煲內, 凍水放薑片.
    4. 水滾後,將全部材料 (除咗雪耳, 百合) 放入煲內. 先用猛火煲半小時, 轉慢火煲半小時, 之後加雪耳, 百合再煲一小時, 落適量鹽調味, 即成.
    ※功效※
    此湯有化痰止咳,理氣潤肺等作用, 但感冒患者不宜服.
    **小貼士**
    海底椰要買邊緣有狗牙狀,有果肉紋者才是正貨.
    按這裡來LIKE .... (更多)

上一頁

12345

下一頁