【DIM敢試!】網紅髒髒包:店鋪版VS.DIY版 試食報告

Dimcook 點煮網誌!
加為朋友

【DIM敢試!】網紅髒髒包:店鋪版VS.DIY版 試食報告

【DIM敢試!】網紅髒髒包:店鋪版VS.DIY版 試食報告

【DIM敢試!】網紅髒髒包:店鋪版VS.DIY版 試食報告

點煮網贊助

【DIM敢試!】網紅髒髒包:店鋪版VS.DIY版 試食報告

2018-03-05 |


早前內地出現咗一個令麵包店出現長長人龍,堪稱有錢都未必都買得到嘅「髒髒包」!究竟一個包可以有幾大嘅魔力呢?等小編特地去排隊,買個店鋪版再整多個DIY自家製版同大家參詳一下!


呢個就係早前喺內地被稱為「網紅包」,就連排隊都唔一定買得到嘅「髒髒包」,其實佢係一個朱古力牛角包。而另外一個就係我哋嘅DIY懶人版,想知道點去做同到底邊一個比較好食,就要繼續睇落去啦!



材料好簡單。首先需要一塊現成嘅酥皮,因為自己搓酥皮嘅話,係件非常複雜嘅事,所以直接買現成嘅就省回了好多工夫。然後就係朱古力,份量其實係冇所謂嘅,基本上你鐘意放幾多就放幾多。仲有適量嘅可可粉同少量嘅牛奶。



首先將酥皮分成3份。為咗令包有濃啲嘅朱古力味,我哋就喺上面撤少少可可粉,然後將朱古力塊放喺其中一面,包住咗之後就一直捲捲捲。然後就可以拎去焗。焗爐預熱到200度,焗20-25分鐘。



喺焗嘅時候,我哋就可以準備用來搽喺麵包上面嘅朱古力醬喇,將牛奶直接加入朱古力,放入微波爐加熱30秒,攪一攪,如果冇完全溶化嘅話可以再加熱多30秒。



跟住就係組裝嘅時間,搽朱古力醬同撤上可可粉。係大!量!可!可!粉!



試吓食先。

首先外型睇上去已經有好大嘅差別,買返嚟嘅髒髒包明顯係大一啲嘅,脹一啲嘅。仲有可以好清楚咁睇到有好多層。表面同我地整嘅果個一樣都有朱古力醬同可可粉。



而我地DIY嘅呢一個,可能係現成酥皮嘅關係,個包冇發到好大,但放上手就好明顯感覺實一啲和重一啲。我哋呢個自己整嘅,都一樣食到好污糟啊!


整體評價:

呢個髒髒包只能夠講期望越大,失望越大。以‎¥15嘅價錢嚟講唔太值!

口感上係比較鬆軟,似牛角包,但味道就普通咗啲,只有砂糖咁嘅甜味,基本上冇咩朱古力味,最重要嘅係,佢原來係冇朱古力餡㗎!真係超失望!

而DIY版呢,口感比較酥脆,比較唔似牛角包,但整體嚟講,朱古力味超濃,裏面加嘅果塊朱古力簡直係神來之筆!超好味!


網紅髒髒包影片: https://youtu.be/SlaG77_pz_w

訂閱點煮網YouTube頻道: https://www.youtube.com/DimcookHK

若你喜歡這文章,請給我們的 "Dimcook點煮網" 專頁(http://www.facebook.com/DimcookHK) "讚好"吧! 

點煮網贊助

回應

loading
點煮網贊助

【DIM敢試!】網紅髒髒包:店鋪版VS.DIY版 試食報告